Opdracht 11: Wiki's

Op hiel wat wizen kinne Wiki's helpe. Ik sjoch mooglikheden foar wat myn wurk oanbelanget by bygelyks de redaksje fan Letterhoeke. Yn in mienskiplike Wiki kin byhâlden wurde wat dien wurde moat en wat al dien is. Op in folgjende redaksjegearkomste sil ik it idee ris mei de oaren beprate.

Op dit stuit bin ik foar Tresoar behelle yn it meitsjen fan in eksposysje oer Mennisten. It inisjatyf leit by de Algemiene Doopsgesinde Soasjeteit, de útfiering by Bysûnder Kolleksjes fan de UB fan de Universiteit fan Amsterdam en by in in lyts buro dêr't ik de namme net fan wit. Yn alle gefallen soe it ek yn dat gefal faaks effisjinter wurke hawwe as wy alles yn in Wiki set hiene. No binne dingen wolris net goed kommunisearre om't ien fan de dielnimmers de mail oer bepaalde ûnderwerpen net krige

It punt is wol dat elk goed meidwaan moat. Ien moat net tinke: o ik haw dat en dat al yn dy-en-dy mail oan X skreaun en dan ûnderwilens ferjitte dat it ek noch mei oaren dield wurde moat yn de wiki. Miskien moatte je by soksoarte dingen ek ien oanwize dy't de fuortgong goed byhâldt en oaren yndachtich makket op it konsekwint oanleverjen fan de nedige ynformaasje.

 Miskien kin yntern ek bygelyks by it plannen en meitsjen fan útstallings mei Wiki's wurke wurde.

Opdracht 10 Delcious

Foar mysels is dat taggen en bookmarken benammen handich om boeken te finen dy't nijsgjirrich binne foar de kolleksje. Oan no ta wurke ik al in soad mei favoriten: troch te sykjen by guon oare biblioteken (dêr't ik de urls fan haw by myn favoriten) Mar dit biedt wer mear mooglikheden,  mei dy.

Foar Tresoar biedt it deselde moaie mooglikheden, mar faaks moat dan wol mear mei dielgebieten wurke wurde. Ommers Tresoar is aktyf op safolle gebieten dat men dan maklik fertize kin yn de grutte hoemannichte oan dingen. As Tresoar sawol oer in soad sustersiden sjen lit dy't bygelyks mei Frysk damjen te krijen hawwe as in soad oer letterlapen dan kin it de minsken op it lêst wolris foar de eagen grimelje. De mjitte is kostlik.

Opdracht 9 Ideeën oer 2.0

• Op Sirkwy soene weblog kinne oer boekpresintaasjes mei links nei de siden oer de skriuwersbio/biliografy. Mei eventuele oardielen oer boeken moatte je fansels wol útsjen as neutrale organisaasje. Jo soene der foto's by dwaan kinne fan de boekpresintaasje, mar ek dan jildt wierskynlik dat je faaks earst ek freegje moatte oft je foto's wol pleatse meie.
• Mei RSSfeeds soene je de oanwinsten fan de KB op ûnderskate mêden ek folgje kinne. Foar de kolleksjefoarming is dat ek fan belang.
• Mei foto-editors moatte je fansels wol oppasse: Tresoar is der yn it foarste plak om orizjinelen te bewarjen. As it giet om bewurke foto's, dan moat soks der wol goed by sein wurde.
• De begripen RSS ensfh. krije wol mear ynhâld. It bliuwt lykwols wol sa dat men foar al ditsoarte aktiviteiten tiid ynromje moat en as men der op oare fronten taken by kriget, dan is it net goed mooglik om de nije berjochten dy't fia RSS-readers op it skerm komme scannend te lêzen.
• Blogs sjoch ik yn it foarste plak as mooglikheden om privee jin te uterjen, bygelyks oer boeken, films etc.

Phileasblog

Opdracht 8 Foto bewurkje

Heit, Piter Krol, mei Louw Dykstra, by bakker Wouda yn Bitgummole

Opdracht 7

Fraach 3: By de 100 meast resint brûkte foto's stie hieltyd ien ikoantsje, allinne dat fan Attribution. Dat sil dus yn alle gefallen by de meast brûkte foto's it meast foarkomme.
Fraach 4: Ik kaam by de Findr saneamde tagtrees tsjin. Dy binne hiel handich, foaral as josels net sa hurd op it goede wurd komme, of wannear't je in begryp oer de holle sjogge. Ek by it sykjen fan rillevant materiaal foar bygelyks útstallingen kin ien en oar hiel handich wêze.

Foto út Flickr

Rod Jellema en Jelle Krol

 

 

 

Hjoed hearde ik fan Rod Jellema (hjir mei my op de foto yn New York, doe't wy dêr yn septimber 2009 ta eare fan Peter Stuyvesant gedichten fan Stuyvesant yn sawol it Nederlânsk as it Ingelsk foarliezen) dat fan him in nij boek ûnderweis is. Hy hat by Eerdmans syn samle gedichten útbrocht en dêrby ek guon fan syn oersettingen út it Frysk opnommen.

Feeds and Alerts

It grappige wie dat doe't ik in 'egofeed' makke, dat ik seach dat ik neamd wurd yn in reaksje fan Josse de Haan op in blog fan Huub Mous. Ik seach dat stikje wol doe't ik it noch net op datum sortearre hie, mar op relevânsje. Doe't ik ien en oar op datum sortearre, wie it stikje net mear yn de list werom te finen. Ra, ra, hoe kin dat?

Fierders krije je, sa't it liket, fia Google-alerts net alles dêr't je je foar opjûn hawwe. Sa fûn ik fia de egofeed, mear oer my as ik fia de Google-alert krigen hie. Alwer: Ra, ra, hoe kin dat?

Hawar, ek sûnder antwurden sille wy de reis mar fuortsette. De twadde wike komt der oan (mei min waar!).

PhileasBlog